我地勇闯白云山翻嚟噜…传说中噶蚊我就少见啦!不过就冻餐死咁咯…都吾系路噶!

………………………………………………………………………………………

--启程篇--

好开心!我地班终于有得去春游咯!!大家都好似细路仔咁咁兴奋!个个都买齐零食干粮准备充足啊!指南针,有!地图,有!我仲带咗个手提电话添!!哈哈~今次去白云山真系一波三折咯,一开始就为咗等齐人而误咗不少时间,搭咗成个钟车去添!不过最后都可以集齐广告052噶31位壮士向白云山之巅出发!

--上山篇--

真系吾系讲笑,行白云山真系好贵累!吾系一般噶累啵!我地行咗好耐先行到一半,途中受尽二叔公之爱蝉”旺财”噶欺凌,再加上二叔公裸住个音响高歌响绝白云山,我地上山噶过程就梗系吾会闷啦!

我地E程白云山真系无白行啊,我发觉白云山噶山路同传说中噶秋明山好贵似噶,我系度捻会吾会有人系度玩飘移啦,点知真系比我地撞到喔!我净系以为秋明山有车神喈,点不知原来白云山都有车神噶!我地喺半山过度竟然见到有人飚车喔!真系好似睇紧头文字D咁!!

行咗好耐我地终于去到上山顶果条好斜噶楼梯!晕啊!见到条楼梯真系吾系讲笑咁斜啊!行上去好似相向后倾要跌翻落嚟咁,所以我地一直要前倾住嚟行,仲吾敢向后望添!!海南老鸭还喺后边大大声咁叫”女生走前面,男生走后面,女生掉下来了男生踢上去!”晕咯…条斜路真系好鬼长,我地途中要休息咗3次先上到山顶!

--山顶露宿篇--

不过上到白云山山顶真系好正,广州之巅啵!!中信都喺我地下边啊!哈哈~~原来晚黑都有好多人上嚟睇景顺带睇日出咖喔!不过广州噶夜景又真系几靓噶,起初我地都几兴奋噶!不过后来就无晒感觉咯,净系得个冻字咯!我再次感受到”露宿街头”咖感觉哦~想训都冻到训吾着啊!阴功咯~最遗憾咖喺,因为天气问题,天光都未睇到日出,还落埋雨添!

--回程篇--

我地5点几就落山啦,真系上山容易落山难咯,真系好想有”碌”落去噶冲动啊!

去到车站,因为我地成班人实在太归心似箭咯,见到西76就冲上去上,殊不知76又分长线同短线噶.海南老鸭更加冲动,第一个冲上去就放晒D钱落去,点知系短线嚟夹,无法啦,唯有落车!我地成班人系咁见车就拥,跑嚟跑去,场面真系极奇壮观搞笑啊!不过好彩我地最后都顺利翻到学校!因为我地太眼训啦,喺部车到个个都训晒,,一落车个个都冲咁翻去宿舍吾理三七二十一,头等大事就系训觉!

………………………………………………………………………………………

不过今次噶两一日一夜勇闯白云山之旅对于我嚟讲又几新奇几刺激噶!不过至此一次,下不为例咯…呵呵呵~~